قصة واقعية ل عمير سيف مع حرامية يونى واى منقول من فيس بوك

هحكيلكم قصتي مع شركة#يوني_واي بشكل كامل والشركه شغاله ازاي وهل هيه نصب او لا ^_^

 قبل ما احكي .... 

ممكن هقل في نظر ناس كتير بعد البوست بس انا مش مهتم انا هقول الحقيقه 

قصتي مع الشركة 

.في يوم من الايام انا وصديق ليا كنا بنبحث عن شغل واشتغلنا في اكتر من مكان واكتر 
من محل بفلوس قليله جدا(ملاحظه : انا مكنتش شغال علشان محتاج فلوس كنت بضيع وقت في حاجه مفيده).
المهم انا وصحبي لفينا ابو حمص واشتغلنا في حجات كتير وكان اكتر فلوس باخدها 

في الشهر 800 جنيه وكان عادي خالص معايافي يوم جالي واحد من اعز صحابي 

واحد غالي بجد علي قلبي بدون ذكر اسماءقالي ياعمير عايزك في مصلحه هدخلك 

شغل معايا هيدخلك الاف الدولارات طبعا كلام كبير من شخص كبير في نظري وفي 

قلبي انا صدقت علي طول حدد معايا معاد نتقابل فيه وكلمني عن الشركه قالي ياعمير

انا دخلت شركه تسويق شبكي اسمها #يوني_واي انا دخلتها بقالي 3 ايام وعملت 400 
دولار !! ولسه هعمل اكتر واكتر انا اتحمست جدا قلتله 400 دولار في 3 ايام يانهر

 اسود دا انا باخد 800 في الشهر وسعات الراجل بيتعارك معايا ويديني 700 و 600 

غير التنطيط اللي في الشغل والعكننه قالي دي مفهاش مدير الشركه بتكون فيها مدير 

نفسك ... قالي انا حددتلك معاد مقابلة عمل مع الشركه بكره الساعه 12 في قاعة 

فرحتي ^^ ..... اياك تتأخر طبعا وانا مغمض قلتله ماشي ياصحبي وكلي حماس وكلي 

ثقه في ان ده واحد من اعز صحابي لو ايه بلازم حصل عمره ما هيأذينيرحت المعاد 

اللي قالي عليه وقعدت مع الكوتش #احمد_علام الكوتش احمد علام شرحلي الشركه 

ماشيه ازاي :) وفهمني ازاي اجيب فلوس قالي انت هتجيب ناس تحتك تشتري 

المنتجوكل لما الناس تدخل بتاخد عليهم فلوس مش كده وبس دا لما الناس اللي دخلتها 
بتجيب ناس تحتها بتاخد عليها فلوس حته لو مش انت اللي جايبهم يعني بتعمل تحتك 

شبكة من الناس مش بتخلص والفلوس مش هتقف ....في الوقت ده كان كلي قلق لاني 

شخص مش اجتماعي ابدا وصحابي علي قدي محدودين جدا فــ سألته قلتله يا 

#كوتش_أحمد انا لو مش هعرف اجيب حد من صحابي ادخله الشركه ايه اللي هيحصل 
؟قالي ياعمير الشركه فيها اكتر من 100 الف واحد في مصر وبره مصر وال 100 الف 
كلهم شغالين وعيزين يعملم فلوس زيك بالظبط وكل لما واحد جديد بيجيبوه بينزل تحت 

اخر واحد نزل الشركه قلتله الله يعني وانا قاعد كده هلاقي ناس بتنزل تحتي ؟ قالي لا

 طبعا انت الاول لازم تجيب اول 2 بنفسك متعتمدش علي الناس اللي فوقك في الشغل 

قلتله وانا خايف برضو طيب يا #كوتش_أحمد انا خايف معرفش اجيب حد برضو


 ومفيش حد من اللي فوق يسجل حد تحتي .... قالي بكل ثقه وابتسامه جميله علي وشه 

:) انا هعلمك في أول يومين من الشغل تعمل اول 200 دولار بس ازاي ؟ دي بتاعتي 

وبتاعت الشركه لما تسجل وتشتري منتج نبقي نقول لك الطريقه .... بصيت في وش 

صحبي لقيته قاعد مبتسم ومستنيني اوافق انا قلت في نفسي هسيبها علي الله واجرب 

دي حاجه جديده وصحبي دخل وعمل فلوس قلت للكوتش احمد انا حاليا معيش 2100 

جنيه ثمن المنتج اللي هوه "رحلة الي شرم الشيخ 3 ايام"وده اقل منتج في الشركه 

وقلتله انا هجمع فلوس من كل مكان وهبيع كل حاجه معايه علشان ادخل الشركه 

وياااارتني كنت قلتله مش عايز ادخل ... ما علينا خلينا نكمل روحت البيت وكلي حماس 

مفيش حاجه في دماغي غير #يوني_واي رحت اكلم ابويا الغالي وقلتله يا حج في شغل 

جاااامد هيدخلي الاف الدولارات وحكيتله الشغل عرفين قالي ايه ؟ قالي ياعمير اياااك 

تدخل الشغل ده او تدفع جنيه فيه لان الشغل ده كله نصب وممنوع في السعودية ده لو 

شركه شكل دي فتحت في السعوديه صحابها هياخدم اعدام !!قلتله لا مش نصب 

ودافعت بقوة بقوة بقوة عن الشركه وكان اي حد يقول عنها كلمه غلط كنت شويه 

وهولع فيه ومكنتش طايق حد ازاي نصب ؟ انا صحبي بصلي في عيني وقالي عملت 

400 دولار في اول 3 أيام نزلت مش طايق نفسي ومش طايق البيت لان ابويا مش

 عايز يساعدني في الفلوس علشان مقتنع انها نصب رحت السيبر ابحث في جوجل عن 

الشركه ومسمعتش عنها غير كل خير ومشفتش حد قال خالص ان الشركه نصب ابدا

 ابدا الحماس والامل رجعلي تاني لقيت صحبي "عمرو" اللي كنت بضور انا وهو علي 

شغل ولفيت انا وهو ابو حمص وكان الراتب اللي بناخده قليل حكيتله عن الشغل ده 

عمرو اتحمس للشغل جدا والغريبه في الموضوع انه راح كلم امه وامه اديته فلوس

 المنتج ودخل تاني يوم علي طول مع "صحبي" اللي مكلمني عن الشغل لاني طبعا 

قلتله اسمه وحكيتله القصه اللي حصلت معايا فا هوه عرف السكه المعلم راح سجل في 

الشركه قبلي بقيت واقف كلي حسره ازاي اكلمه عن الشغل ويدخل قبلي ؟؟ المفروض

 اني كنت ادخل الاول وبعد كده ادخله تحتي علشان اكسب منه واكل من وراه عيش بس 

انا طلعت غبي اني كلمته عن الشغل اصلا قبل ما ادخل ودي غلطه وحصلت قلت ماشي 

مش هخسر صحبي علشان فلوس وعلشان حاجه تافهاالمهم اتكلت علي الله ... وبدأت

 اجمع في الفلوس اللي هدخل بيها الشركه وقلت مش هخسر حاجه حته لو معملتش 

فلوسهكون معايا رحلة لشرم الشيخ انا اصلا نفسي اروح اتفرج علي شرم الشيخ دي

 انا سمعت انها احسن مكان في مصر ويمكن في العالم ... الحمد لله بعد تعب 22 يوم

 جمعت بالعافيه ال 2100 جنيه لان ابويا زي ما قلتلكم مرضاش يديني جنيه واحد ادخل

 بيه الشغل لانه مقتنع تماما ان الشغل ده نصب فا تعبت واشتغلت لحد لما جمعت المبلغ

 ده بعديها رحت سجلت في الشركة المهم "صديقي" اللي اللي مدخلني الشغل قالي انا 

عندي صفين اسجلك تحت مين ؟ قلتله سجلني تحت "عمرو" اللي انا كلمته عن الشغل 

ودخل قبلي ببص في سجل عمرو لقيته مدخل مامته واخوه فا "صحبي" اللي جايبني

 الشغل قالي انزلك تحت مامته ولا اخوه ؟ قلتله خليني تحت اخوه طبعا انا كنت زعلان 

ومتحسر الواد دخل قبلي مع اني انا اللي قلتله علي الشغل والمفروض كان يكون هوه اللي مسجل تحتي هو وامه واخوه مش انا اللي مسجل تحته قلت عادي بقي اللي حصل

 حصل ايه يعني ما انا كده كده هجيب ناس وهعمل فلوس كتير مش فارقهاخدت صوره 

مع "صديقي" اللي دخلني الشغل #والكوتش_احمد وانا فرحان اني دخلت 

#يوني_وايوقلت ان شاء الله دي بدايه جديده في حياتي نسيت اقول اني قبل ما ادخل 

#الكوتش_احمد قال ان الشغل من 3 الي 4 سعات فقط كل يوم مع حضور كي ميتنج في 

القاهره كل يوم جمعه واعمل الفلوس اللي انت عايزها وكلنا هنحقق حلمنا إلخ .

لحد كده تمام انا عارف اني رغيت كتير بس دي البدايه نيجي بقي للجزء المهم اللي 

حصل معايه جوه الشركه لاني بره الشركه مسمعتش عنها غير كل خير

ده اليوم التاني ليا في الشركه وكلي حماااااس لاني رايح اقابل شخصيه مهمه جدا في 

الشغل وواحد من اكبر الناس اللي في الشركه دي وده بقي الكوتش بتاع الكوتش احمد

 علام انا رايح اقابله علشان هيقول لي ازاي اعمل اول 200 دولار في 2 يوم فقط زي 

ما الكوتش احمد علام وعدنيانتم عرفين قالي ايه ؟ قالي انت هتدخل ابوك و امك الشغل 

!! هتنزلهم تحتك وتاخد عليهم فلوسولما ينزلم تحتك هتجيب صحابك تحتيهم هيبقي 

انت كده استفدت مرتين ازاي بقيلما تجيب 2 من صحابك تحت امك و 2 من صحابك

 تحت ابوك كده ابوك وي امك كل واحد فيهم هيعمل 90 دولار اما بالنسبه ليك انت انت 

فوقيهم كلهم فا هتعمل 400 دولار !!!انا في نص الكلام قلتله انا ابويا وي امي ادخلهم 

الشغل ازاي ؟ ده ابويا متعارك معايه علشان دخلت الشغل والحمد لله انه كان في 

السعوديه لانه لو كان في مصر كان ظبطني قلمين عدلوني ومخلنيش ابدا ادخل الشركه 

دي #الكوتش_مراد MOU RAD ضحك وقالي انا دخلت ابويا وي امي ودي كانت

 اصعب حاجه عملتها في حياتي وقعد يحكيلي الاكشن اللي حصل بينه وبين ابوه 

علشان يدخله انا اتشجعت شويهبعد المقابله مع الكوتش مراد قلت انا لازم ادخل ابويا

 وامي زي ما الكوتش قالي ورحت اجرب رحت لـ امي بالنسبه لـ امي هيه حبيبتي و 

عايزه مصلحتي دايما حته لو شايفه ان في حاجه مستحيله عليا وانا نفسي اجربها 

هتعمل المستحيل علشاني بس للاسف مكنش معاها فلوس خاصه بيها فا معرفتش تدفع 

حاجه اتحايلت علي ابويا وكلمته علي الفيس وجبتله فيديوهات يوم ورا التاني ورا 

التالتاسبوع ورا اسبوع دخلت في شهر مفيش امل خلاص مستحيل ادخل ابويا و ابويا 

حذر امي انها تسمع كلامي وتدخل معايه الشركه وامي سمعت كلام ابويا طبعا اووووف 

رحت #للكوتش_احمد اللي هوه الكوتش الاول علينا في ابو حمص ياكوتش احمد

 اللحقني قالي عادي مش لازم تبدأ ب ابوك وامك ابدأ بـ اي حد من اهلك قلتله انا 

بالنسبه لـ اهلي مخاصمهم مليش كلام معاهم معرفهمش اصلا قالي حاول انا رحت 

حاولت بس كل محولاتي جات بالفشلوالله العظيم زي ما الكوتش احمد والكوتش مراد 

كانم بيقولولي كنت بعمله بالظبط بالظبط بالظبط مفيش حد من اهلي عايز يدخل !! 

رحت للكوتش احمد ياكوتش احمد انا اهلي كلهم مفيش منهم امل انهم يدخلم الشركه

 قالي ابدأ من صحابك ومن اقرب الناس ليك وانا مكنش في دماغي غير حوالي 5 او 6

 قلتله عليهم قالي لا ده انت هتعمل قائمه كبيره فيها اسماء كل الناس اللي تعرفهم في

 حياتك علشان كلهم هتكلمهم عن الشغل انت لو جبت قائمة مكونه من 200 اسم 

وكلمتهم كلهم اقل حاجه كام واحد هيدخل معاك الشغل ؟ كتير جدا والله انت محتاج منهم 

2 بس!انا اتحمست قلتله طيب اعمل ايه قالي انت هتشوف اقرب الناس ليك وتقول لهم

 ان في شغل جامد جدا "انا عملت منه #فلوس_جمده وهيغير لكم حياتكم زي ما غير

 حياتي" وتتفق معاهم علي معاد عمل علشان يقعدم معايا واشرحلهم الشغل واياك انت

 تشرح لانك مش هتعرف ومن هنا بقي #الكوتش_احمد بدأ يعملني الكذب ^_^ انا قلت 

عادي ما كده كده اللي هيدخل هيعمل فلوس فيها ايه يعني رحت طبقت الكلام وبدأت 

اجيب ناس كتير من بعيد ومن قريب احكيلهم علي الشغل وانصحهم يدخلوه كتير قالم 

نصب حاولت معاهم واعملهم تشويق ودعايه انا طبقت بالحرف اللي اتعلمته من 

الكوتش احمد والكوتش مراد ولكن بلا فائده لان كان معرفتي بالناس محدوده انا قلت

 للكوتش احمد قبل ما ادخل ياكوتش انا شخصيه مش اجتماعيه حته مع اهلي انا في 

حالي مليش دعوه بحد نهائي طمني وقالي عادي "محدش في الشغل ده مش بيعمل 

فلوس"كل يوم كان عليا اتصل بالكوتش احمد احكيله عملت ايه واديله المواعيد اللي

 هعملها مع الناس شهر في شهر في شهر مش عارف اجيب حد لما يأست وتعبت 

نفسيا وزهقتده حته اني من كتر ما اشتغلت في ابو حمص ومش عارف ادخل حد رحت 

عملت ميتنج في اسكندريه والقاهره لصحابي في الفيس بوك وبرضو بلا اي فائد ه في 

يوم من الايام الكوتش مراد بيقول لي"ياعمير الشخص الناجح في الشغل ده هو

 الشخص الاناني جدا جدا اللي مش بيحب غير نفسه"لو عايز تكون شخص ناجح 

خليك اناني متحبش غير نفسك متفكرش غير في مصلحتكانا سمعت الكلام وترجمته في 

دماغي ازاي ابقي اناني ؟ يقصد بيها الكذب ؟ يقصد بيها اني استغل واحد صحبي 

علشان ارجع فلوسي ولا اكسب علي قفاه ؟ اكيد يقصد كده انا كنت مدايق جدا من 

الجمله دي ومكنتش عارف انام من التفكير ازاي بيعلموني الانانيه ما علينابقالي 3 

شهور شغال ومعملتش جنيه واحد في الشركه :/ دي حاجه مديقاني جدافتحت فيس

 بوك وقاعد بتصفح الاخبار في صفحة #يوني_واي وفي صفحة الكوتش احمد علام

 واغلب الناس اللي في الشركه بيتصورو وهما مسكين فلوس ومسكين فلوس 

كتييييييير دي كانت حاجه غريبه اقول في نفسي يانهر اسود كل دي فلوس وانا مش

 عارف اعمل جنيه فا جاتلي فكره جهنميه طيب ما انا اجيب فلوس من البيت واتصور 

بيها واقول اني عملت الفلوس دي من الشركه سعتها ناس كتير هتدخل تحتي بالفعل 

جبت حوالي 5000 دولار مش جنيه من فلوس ابويا واتصورت بيهم وحطيت الصوره

 علي الموبايل واي حد يسألني من اللي بكلمهم علشان يدخلم الشركه انت عملت فلوس 

ولا لا اقول له طبعا عملت فلوس اهو خد شوف الصوره الولد ينزهل ويقول مشاء الله 

طيب ياعمير سلفني علشان ادخل لاني معيش وكده كده هعمل فلوس كتييير زيك في 

وقت قصير وارجعلك الفلوس ودي كانت اكتر حاجه بتقتلنيانا عايزك انت اللي تدفع 

ياعم علشان اكسب منك مش ادفعلك انا وتقعد زي مش عارف تعمل فلوس يبقي انا كده

 خسرت مرتين طبعا قلت الكلام ده في نفسي وكنت بخلع بـ اي حجه او اقول له هدفعلك 

نص الفلوس واخلع وانا متأكد انه مش هيجيب النص حته قعدت كده شهر في شهر لحد 

لما كملت 6 شهور مش عارف ارجع فلوس مش عارف اعمل جنيه

--بعد 6 شهور من دخولي الشركه ومعملتش جنيه واحد كنت فقدت الامل واقعد افتكر

 دا انا "صديقي" اللي دخلني في 3 ايام بس عمل 400 دولار وانا 6 شهور مش 

عارف اعمل جنيه واحده حته احباط وديق الدنيا كان عليا قعدت مع نفسي اراجع 

الشركه شغاله ازايوالله يا جماعه دي الخلاصة بتاعت الشركهخليك اناني متحبش غير

 نفسكاخدع اقرب الناس ليك واقنعهم بـ اي طريقه من الطرق انك عملت فلوس ودخلهم

 الشركه علشان تعمل فلوس علي قفاهم فكك منهم لو معرفوش يعملم فلوس المهم انك

 شخص ناجح ومتحبش غير نفسك انت عملت فلوس اللي دخل تحتك ومعرفش يعمل 

فلوس مش مشكله طظ فيه والله محد سأل فياقعدت 3 شهور قاعد بعيد عن الشركه 

ومش طايق اخبارها ومش طايق اسمع كذبهم كل اللي شغالين فيها كذابين حته الله اعلم 

"صديقي" القريب مني عمل فعلا 400 دولار في 3 ايام ولا لا ؟ انا حاسس لحد دلوقتي 

اصلا اني انا و "عمرو" اول ناس ندخل تحتيه والله اعلم انا قلت عوضي علي ربنا 

يعني ههخسر واحد من اعز اعز اصحابي علشان ايه اسكت ومتتكلمش ايه يعني 

2100 وضاعم في ستين الف داهيه هيه والشركه------------------وبعد ما عرفت

 حقيقة الشركه انها بتنمي عملائها علي الخداع والكذب لدرجة انها بتخلي اقرب الناس

 ليك تكذب عليك وتخدعك علشان يعمل علي قفاك فلوسجه في بالي اطلع الرحله اللي 

انا بقي حاجزها لـ شرم الشيخ واكون استفدت حاجه من الفلوس اللي دفعتها :/انتم 

عرفين لما اتصلت بستعلم عن الرحله بتاعتي قالولي ايه ؟قالولي انت هتدفع 700 جنيه

 علشان تفعل الرحله يا فندم قلتلها نعم امال ال 2100 بتوع ايه ؟ قالتلي دي حجز 

للرحله فقط قلتلها انا من ابو حمص الموصلات علي مين ولا هتمشي ازاي قالتلي يا 

فندم الموصلات عليك قلتلها ازاي حضرتك يعني هدفع 700 وانا طالع وهركب

 موصلات 7 سعات من ابو حمص لشرم الشيخ ؟ فين الموصلات اللي هتوديني اصلا

 انا مش عارف حاجه وهياخد كام في الموصلات دي ؟ده لو وصلت حي اصلا-

هختم كلامي يا جماعه بـقسم احاسب عليه امام الله يوم القيامهاقسم بالله اقسم بربي ان

 شركة يوني واي نصب ^^ ويارتني سمعت كلام كل الناس اللي نصحتني 

 نصب بـ اختصار

1- لازم تنصب علي صحابك واهلك علشان تدخلهم الشركه وتعمل فلوس علي قفاهم ومش كده وبس ده انت تشغلهم نصابين معاك 

2- لازم تكون اناني جدا جدا جدا متحبش غير نفسك واللي معرفش يعمل فلوس قول له 

انت شغال غلط انت ممشتش علي السيستم طبعا انتم عرفين السيستممبني علي ايه 

السيستم بيقول علشان تكون شخص ناجح لازم تكون اناني جدا جدا مبتحبش غير نفسك 

ده شعار الشركه والله العظيم كلمه اتقالت من اكبر ناس في الشركه دي الشركه بتعلمهم

  انهم يدخلم اي حد قريب ليك بـ اي طريقه ومن طرق الكذب اللي في الشركه انك تلبس

 لبس نضيف وتشيل شنطه وتتصور بفلوس وتحطها علي الفيس وتكتب كان يوم جامد 

مع يوني واي واللي متصور بفلوس ولابس حلو ده من جواه بيعيط لانه عايز يعمل 

فلوس عايز يرجع فلوسه ب اي طريقه علشان كده بينصب ويطبق كلام الشركه زي ما 

قالتلهالكذب اهم حاجه في الشغل لو مش هتكذب علي صحابك واهلك ونفسك مش

 هتنجح ابدا :)في الاخر اللي فوق وعمل فلوس في الشركه عمره ما هيحس ابدا باللي 

تحتاهي فلوس وراحت ومش مشكله في داهيه انا مدخلتش مخلوق في الشغل علشان

 معرفتش والحمد لله اني معرفتش اجيب حد كنت هتحاسب عليه يوم القيامه واتحاسب 

علي الناس اللي تحت ومعرفتش تعمل فلوس ووقعت في الخداع ده احمدك يارب 

واشكرك اني معرفتش ادخل حد ياريت #لايك_وشير علشان القصه وحقيقة الشركه 

توصل لكل الناسممكن بمشاركتك للبوست بتاعي تلحق بيها واحد غلبان حاطط امل في

 الشركه انها هتغيرله حياته #شير في الخيراللهم اني بلغت اللهم فشهد يارب اكون 

عملت اللي عليا

نصب يوني واي يوني واي نصب حقيقة يوني 

#يوني_واي_نصب

#حقيقة_يوني_واي