دى قصة كل واحد دخل الشركه النصابه وزد عدد الضحايا واحد

يونى واى نصب - معنا ضد يونى واى

لما واحد عارفك يكلمك على الشغل ده ويعملك تشويق طبعا مش هيقولك تسويق شبكى 

هيقولك توكيلات تجاريه ولما تروح الكافيه هيحاول يتأخر عنك شويه عشان مش 

يخليك تحس انهم محتاجينك ولما تقعد مع الكوتش ويعمل لك عرض عمل اول حاجه 

لازم يعملها هيدردش معاك فى حاجات تخصك عشان يكسر الحاجز اللى بينك وبينه 

وفى نهاية القعده اللطيفه دى هتكتشف ان الشغل دى تسويق شبكى والشخص اللى 

عملك تشويق قاعد طبعا مش بيتكلم خااااالص عشام مش يبوظ اللى اسمه الكوتش

 بيعمله مبتسم وخلاص والمعامله الحلوه معاك تزداد عشان تلبس وهيحاول يلفت 

نظرك انه نجح فى الشغل ده موبايل ماركه بقى وبدله وبيزنس مان وهو اصلا مش 

معاه 20 جنيه فى جيبه :D ويتمنى انه يطلع من الشغل ده انهارده قبل بكره بس 

مضطر يكمل عشان يرجع فلوسه ولما تروح البيت بقى وتعرض الموضوع على 

عائلتك وكله طبعا يرفض الشغل وصاحبك يكلمك مكالمة متابعه يقولك ده فيه قرص 

تدريبى هيعلمك ازاى تكسب 15 الف جنيه فى اسبوعين طب انت معملتش كده ليه يا 

عم الفتك  :D والله عالم مسخره :D المهم ما علينا ولما صاحبك يضغط عليك بكذا

 اغراء عشان تلبس مش هتقدر تلفت منه عشان انت وثقت فيه ولما تقوله انا عايز 

ادخل الشغل ده معاك يقولك تمام انا هتصل بالليدر بتاعى هحاول احدد معاه معاه عشان 

تسجل واللبدر ده اصلا تلاقيه فاضى 24 ساعه :D بس بيقولك كده عشان انت 

متحسش انه محتاجلك (WHO NEED WHO MORE)

ولما تلبس الكلام يتغير بقى المنتج هيوصل فى خلال 21 يوم وشحن وتسجيل والتكت 

بتاع الميتنج اللى هو اصلا قبل كده قالك ان التدريب ده على حساب الشركه ويكلمك 

بقى على الطموح والرؤيه وهيخليك تعمل حاجه اسمها +A ودول اقرب الناس ليك 

عشان تنجح بسرعه لازم تنصب على احب الناس ليك ولما يمر عليك كذا شهر من غير 

ما تعمل حاجه مش هتلاقى اللى يسأل عليك ولما تزهق وتقول للكوتش انا عايز ابيع 

الاكونت تدخل 100 حوار ومفيش حد هيساعدك عشان مفيش مصلحه هتجيلهم لو 

ساعدوك مشفتش اوسخ من كده والله زلما تبطل شغل تماما وتصرف نظر على بيع 

الاكونت مفيش حد هيسأل عليك خلاص بقى مفيش منك مصلحه واعز حاجه واهم من 

الفلوس هتخسرها هى اهلك واصحابك والكل هياخد عنك فكره غلط !!

#يونى_واى_حراميه_ونصابييين